Журналист Абрахам Ромеро "Реал"нинг жароҳат олган футболчилари ҳолати ҳақидаги янгиликлар билан бўлишди.
Хабар қилинишича, тиззасини текширувдан ўтказган Килиан Мбаппе айни дамда "Реал" мураббийлари билан бирга Парижда бўлиб турибди ва жума куни қайтади.
Жуд Беллингем эса, ўз навбатида, сонидаги жароҳат бўйича бошқа мутахассисдан қўшимча хулоса олиш учун Лондонда бўлиб турибди.
Эдуардо Камавинга ҳамон кучли тиш оғриғидан азият чекмоқда.
Рауль Асенсио умуртқа поғонасининг бўйин қисми бойламлари чўзилишидан сўнг соғайиш жараёнини ўтамоқда. Болдир мушакларида муаммо сезаётган Давид Алабанинг "Сельта"га қарши ўйинда иштирок этиши эса сўроқ остида қолмоқда.
"Мадрид" жума куни Ла Лиганинг 27-тури доирасида сафарда "Сельта" меҳмони бўлади.
