«Барселона» вингери Ламин Ямал яқинда Испания Кубоги ярим финали доирасида Мадриднинг «Атлетико» клубига қарши кечган баҳс ҳақида пост қолдирди.

Сешанба куни бўлиб ўтган учрашув «кўк-анорранглилар»нинг йирик ғалабаси билан якунланди (3:0), бироқ биринчи ўйинда 4:0 ҳисобида ғалаба қозонган «матрасчилар» финал йўлланмасини қўлга киритишди.

«Кечаги оқшом учун раҳмат, куле (мухлислар). Бизда ҳали ҳам ижобий кайфият учун кўплаб сабаблар бор. Олға, «Барселона»!» — деб ёзди ижтимоий тармоқларда 18 ёшли футболчи. Эслатиб ўтамиз, у «Атлетико» билан жавоб ўйинида битта голли узатмани амалга оширди.

Шанба куни, 7 март куни Каталония гранди Ла Лига доирасида Бильбаонинг «Атлетик» клубига қарши майдонга тушади.