Италия матбуотида Массимилиано Аллегри «Милан» бошқарувидаги атиги бир мавсумдан сўнг Мадриднинг «Реал» клуби янги мураббийига айланиши мумкинлиги ҳақида миш-мишлар тарқалди. Бироқ мураббийнинг ўзи бундай хабарларни инкор этиб, «Милан»да бахтли эканини таъкидламоқда.
«Биз клуб билан тўлиқ уйғунликда ишлаяпмиз. Мен «Милан» фаровонлиги йўлида меҳнат қилишни истайман ва бу клубга қайтганимдан жуда мамнунман. Биз янги циклни ажойиб тарзда бошладик», — дея Аллегрининг сўзларини келтиради pianetamilan.it сайти.
Эслатиб ўтамиз, Массимилиано Аллегри илгари Туриннинг «Ювентус» клубини бошқарган. Айни дамда «Милан» Италия чемпионати турнир жадвалида иккинчи ўринни эгаллаб турибди.
