«Манчестер Юнайтед» ярим ҳимоячиси Бруну Фернандеш «қизил иблислар» бош мураббийи Майкл Кэррик ҳақидаги фикрлари билан ўртоқлашди.

«Каррик — мен у билан бирга ўйнашни жуда ҳам хоҳлаган инсонлардан бири. Бунинг сабаби шуки, у Сульшер даврида мураббийлар штабида бўлган бир йил давомида мен у билан бирга машғулотларда қатнашганман. Баъзида у биз билан бирга машқ қиларди. Унинг чизиқлар орасидаги паслари сифати шунчаки ақл бовар қилмас эди, у рақиб мудофаасини осонлик билан ёриб ўтарди», — дея Фернандешнинг сўзларини келтиради TNT Sports.

Маълумот учун, Майкл Кэррик 2006 йилдан 2018 йилгача «Манчестер Юнайтед» шарафини ҳимоя қилган. 2018 йилдан 2021 йилгача у клуб мураббийлар штабида фаолият юритган, 2021 йилда эса вақтинчалик бош мураббий вазифасини ҳам бажарган. Ҳозирда у яна жамоа бошқарувига қайтган ва «Юнайтед» унинг қўл остида ижобий натижалар қайд этмоқда.