«Manchester Yunayted» yarim himoyachisi Brunu Fernandesh «qizil iblislar» bosh murabbiyi Maykl Kerrik haqidagi fikrlari bilan o‘rtoqlashdi.

«Karrik — men u bilan birga o‘ynashni juda ham xohlagan insonlardan biri. Buning sababi shuki, u Sulsher davrida murabbiylar shtabida bo‘lgan bir yil davomida men u bilan birga mashg‘ulotlarda qatnashganman. Ba’zida u biz bilan birga mashq qilardi. Uning chiziqlar orasidagi paslari sifati shunchaki aql bovar qilmas edi, u raqib mudofaasini osonlik bilan yorib o‘tardi», — deya Fernandeshning so‘zlarini keltiradi TNT Sports.

Ma’lumot uchun, Maykl Kerrik 2006 yildan 2018 yilgacha «Manchester Yunayted» sharafini himoya qilgan. 2018 yildan 2021 yilgacha u klub murabbiylar shtabida faoliyat yuritgan, 2021 yilda esa vaqtinchalik bosh murabbiy vazifasini ham bajargan. Hozirda u yana jamoa boshqaruviga qaytgan va «Yunayted» uning qo‘l ostida ijobiy natijalar qayd etmoqda.