Бразилия терма жамоаси бош мураббийи Карло Анчелотти навбатдаги йиғинга Неймарни чақириш имкониятини кўриб чиқмоқда. Март ойида «селесао» ЖЧ-2026га тайёргарлик доирасида Франция ва Хорватия терма жамоаларига қарши ўртоқлик учрашувларини ўтказади.
UOL Esporte нашрининг хабар беришича, Родригонинг жиддий жароҳатидан сўнг Неймарнинг Бразилия терма жамоасига қайтиш имкониятлари сезиларли даражада ошган. Анчелотти айни дамда 34 ёшли ҳужумчини таркибга жалб этиш борасида якуний қарорга келиш устида бош қотирмоқда.
Неймар Бразилия терма жамоаси сафида жами 128 та ўйин ўтказиб, 79 та гол ва 59 та голли узатмани амалга оширган. У охирги марта «селесао» либосида 2023 йилнинг октябрь ойида майдонга тушган эди.
