"Гамбург" марказий ҳимоячиси Лука Вушкович "Барселона"нинг қизиқишлар доирасига тушди.

19 ёшли футболчи жорий мавсумни Германия клубида ижара асосида ўтказмоқда, унинг трансфер ҳуқуқи эса "Тоттенхэм"га тегишли. Инсайдер Флориан Плеттенбергнинг хабарига кўра, "Барселона" келаётган ёзда мудофаа марказини кучайтиришни режалаштирмоқда ва истиқболли хорватиялик футболчи кўриб чиқилаётган номзодлардан бири ҳисобланади. Футболчининг вакиллари билан илк музокаралар аллақачон бўлиб ўтган.

Transfermarkt портали Лука Вушковичнинг нархини 40 миллион еврога баҳоламоқда. Чиқиб келаётган юлдузнинг "Тоттенхэм" билан тузган меҳнат шартномаси 2030 йилнинг ўрталарига қадар амал қилади.