Ҳужумчи Расмус Хёйлунд ва вингер Маркус Рэшфорд, катта эҳтимол билан, келаётган ёзда "Манчестер Юнайтед"ни узил-кесил тарк этади.
Ҳар икки футболчи бошқа жамоаларда ижара асосида тўп суришмоқда: даниялик футболчи — "Наполи"да, инглиз футболчиси эса — "Барселона"да. Инсайдер Фабрицио Романонинг маълумотларига кўра, "қизил иблислар" раҳбарияти бўлажак трансфер ойнасида Хёйлунд ва Рэшфорднинг сотувидан тахминан 80 миллион евро ишлаб олишни режалаштирмоқда.
"Наполи" 23 ёшли ҳужумчи учун аллақачон 6 миллион евро тўлаган ва кутилишича, уни 44 миллион еврога сотиб олиш ҳуқуқини фаоллаштиради. 28 ёшли Рэшфордга келсак, "МЮ" унинг сотувидан 30 миллион евро олишни кўзламоқда — "Барселона" билан музокаралар давом этмоқда.
