Сўнгги вақтларда Мартин Эдегорнинг Лондоннинг «Арсенал» клубидан эҳтимолий кетиши ҳақида миш-мишлар тарқалмоқда.
27 ёшли футболчи тез-тез жароҳат олмоқда ва жорий мавсумда «канонирлар»нинг асосий таркибида доим ҳам кўриниш бермаяпти. Яқинда матбуотда норвегиялик футболчининг клубни тарк этишга тайёрлиги ҳақида маълумотлар тарқалди, бироқ TEAMtalk нашрининг хабарига кўра, вазият мутлақо бошқача: ярим ҳимоячи ҳали ҳам «Арсенал» учун асосий фигура эканлигини исботлаш иштиёқида ёниб турибди ва келажагини Лондон гранди билан боғламоқчи. Сардор клуб билан янги узоқ муддатли шартнома имзолашдан мамнун бўлади.
Мартин Эдегорнинг «Арсенал» билан амалдаги меҳнат шартномаси 2028 йилгача мўлжалланган.
