"Барселона" раҳбари Жоан Лапорта клубнинг трансфер режалари ҳақидаги саволга жавоб берди.
"Кўк-анорранглилар"нинг бир қатор юлдуз футболчиларга қизиқиш билдираётгани ҳақида хабарлар тарқалган эди. Каталония гранди президенти мос вариантлар йўқлигини кўрсатиб, бу миш-мишларни қисман инкор этди.
"Албатта, агар зарурат туғилса, биз янги ўйинчиларни имзолашимиз мумкин. Лекин бу фақат муносиб имконият пайдо бўлган тақдирдагина амалга ошади. Ҳозирча мен бозорда бундай вариантларни кўрмаяпман", – дея Лапортанинг сўзларини келтирмоқда Managing Barca.
Ўтган қишки трансфер ойнасида "Барселона" сафига фақатгина қанот ҳимоячиси Жоау Канселу қўшилди – у Саудиянинг "Ал-Ҳилол" клубидан мавсум якунига қадар ижарага олинган.
