«Барселона» ҳужумчиси Роберт Левандовски жамоадоши Маркус Рэшфорд ҳақида гапирди.

Англиялик вингер ўтган йилнинг ёзида «Манчестер Юнайтед»дан ижара асосида «кўк-анорранглилар» сафига келиб қўшилган эди.

«Рэшфорднинг маҳоратидан ҳайратдаманми? Йўқ, унинг улкан салоҳияти бир нечта машғулотлардан кейиноқ кўриниб қолганди. Маркусда ҳамма нарса бор: тезлик, техника, зарба, у иккала оёғида ҳам ажойиб ўйнайди. Қачонки бу йигит ўзига ишонишаётганини ҳис қилса, у бунга юз фоизлик натижа билан жавоб қайтаради.

Рэшфорд — яхши, меҳрибон инсон, лекин унга қўллаб-қувватлаш керак. У ўзига бўлган ишончни ҳис қилгандагина энг яхши ўйинини кўрсатади», — деди Левандовски Sky Sport телеканалига берган интервьюсида.

Маркус Рэшфорд «Барселона» таркибида 36 та ўйинда майдонга тушиб, 10 та гол ва 13 та голли узатмани ўз ҳисобига ёздириб қўйган.