«Палмейрас» ҳужумчиси Витор Роке «Челси» клубига ўтиши мумкин.

Bolavip нашрининг маълумотларига кўра, Лондон клуби 21 ёшли футболчини ёзги трансфер ойнасида сотиб олишга ҳаракат қилиб кўришга тайёр. «Кўклар» форварднинг трансфери учун йирик таклиф тайёрламоқда. Агар Роке ёзгача ўз формасини сақлаб қолса, «Челси» музокараларга киришишга қарор қилган.

Витор Роке 2025 йилда «Барселона»дан «Палмейрас»га 25 миллион евро эвазига ўтган эди. Унинг амалдаги шартномаси 2029 йилнинг 31 декабригача мўлжалланган. Жорий мавсумда ҳужумчи Бразилия клуби сафида барча турнирларда 13 та ўйинда майдонга тушиб, 5 та гол урди ва битта голли узатмани амалга оширди. Transfermarkt портали Рокенинг бозор қийматини 35 миллион еврога баҳоламоқда.