Лондоннинг «Тоттенхэм» клуби кейинги мавсум учун янги бош мураббий тайинлаши мумкин. Айни дамда бу лавозимни Игор Тудор эгаллаб турибди.

Give me Sport нашрининг хабар беришича, инглиз клубининг шорт-листидан (номзодлар рўйхати) уч нафар мутахассис жой олган. Булар — Роберто де Дзерби, Маурисио Почеттино ва Робби Кин.

«Тоттенхэм» Англия Премьер-лигасининг жорий мавсумида муваффақиятсиз иштирок этмоқда. Ўтказилган 29 та ўйиндан сўнг жамоа ҳисобида атиги 29 очко бор ва улар турнир жадвалининг 16-поғонасида бормоқда. «Шпорлар» хавфли ҳудуддан атиги бир очко олдинда, холос.

Сўнгги ўйинда Тудор шогирдлари ўз майдонида «Кристал Пэлас»га 1:3 ҳисобида имкониятни бой берди.