Londonning «Tottenxem» klubi keyingi mavsum uchun yangi bosh murabbiy tayinlashi mumkin. Ayni damda bu lavozimni Igor Tudor egallab turibdi.

Give me Sport nashrining xabar berishicha, ingliz klubining short-listidan (nomzodlar ro‘yxati) uch nafar mutaxassis joy olgan. Bular — Roberto de Dzerbi, Maurisio Pochettino va Robbi Kin.

«Tottenxem» Angliya Premyer-ligasining joriy mavsumida muvaffaqiyatsiz ishtirok etmoqda. O‘tkazilgan 29 ta o‘yindan so‘ng jamoa hisobida atigi 29 ochko bor va ular turnir jadvalining 16-pog‘onasida bormoqda. «Shporlar» xavfli hududdan atigi bir ochko oldinda, xolos.

So‘nggi o‘yinda Tudor shogirdlari o‘z maydonida «Kristal Pelas»ga 1:3 hisobida imkoniyatni boy berdi.