«Ньюкасл» бош мураббийи Эдди Хау «Манчестер Сити»га қарши бўлиб ўтадиган кубок ўйини ҳақида ўз фикрларини билдирди.

«Манчестер Сити»га қарши барча ўйинларимиз кескин курашлар остида ўтган ва бизда доим имкониятлар бўлган. Рақибни жиловлаш жуда қийин бўлса-да, гол ўтказиб юбормасликка ҳаракат қилишимиз керак. Бу ҳақиқий Англия Кубоги учрашуви бўлади: ҳар икки томонлама ҳужумкор ўйин гувоҳига айланамиз. Биз мухлисларни ҳам ўйинга «жалб қилишимиз» (уларнинг қўллаб-қувватлашидан фойдаланишимиз) лозим», — дея Хаунинг сўзларини келтирмоқда «қарғалар» матбуот хизмати.

Англия Кубоги 1/8 финали доирасидаги «Ньюкасл» ва «Манчестер Сити» ўртасидаги учрашув 7 март куни бўлиб ўтади. Ўйин Тошкент вақти билан 8 мартга ўтар кечаси соат 01:00 да бошланади.