«Барселона» бош мураббийи Ханс-Дитер Флик ярим ҳимоячи Марк Касадонинг ҳаракатларидан мамнун, гарчи футболчи майдонда у қадар кўп вақт ўтказмаётган бўлса-да.
«Касадо «олтилик» (таянч ярим ҳимоячи), «саккизлик» позицияларида ўйнай олади, шунингдек, у аллақачон мудофаа қанотида ҳам ҳаракат қилиб кўрган. У ақлли ўйинчи ва бизда шундай футболчи борлигидан хурсандман», — деди Флик жума кунги матбуот анжуманида журналистларга.
2025/2026 йилги мавсумда Марк Касадо «Барселона»нинг 25 та расмий учрашувида иштирок этди. Ушбу баҳсларда футболчи битта голли узатмани ўз ҳисобига ёздириб қўйди.
