Шанба куни «Ньюкасл» ва «Манчестер Сити» Англия Кубоги доирасида жорий мавсумдаги бешинчи ўзаро ўйинларини ўтказишади. «Шаҳарликлар» бош мураббийи Хосеп Гвардиола рақиб ҳақида ўз фикрларини билдирди.
«Мавсумда «Ньюкасл»га қарши бешинчи ўйин? Мен ҳеч қандай кутилмаган совғалар кутаётганим йўқ.
Хау билан муносабатлар? Улар жуда яхши. Биз ҳеч қачон бирга кечки овқат тановул қилмаганмиз, лекин муносабатларимиз ижобий. Охир-оқибат, биз рақиблармиз. Бир-биримизга қарши ўйнашимиз керак, аммо ўйиндан олдин ва кейин ҳаммаси бутунлай бошқача», — деди Гвардиола матбуот анжуманида.
Жорий АПЛ мавсумида «Ньюкасл» ва «Манчестер Сити» ўз уйларида бир хил — 2:1 ҳисобида ғалаба қозониб, очколарни бўлишиб олишди. Лига Кубоги ярим финалида эса «шаҳарликлар» икки бор устун келишди: сафарда 2:0 ва ўз майдонида 3:1.
Мавсумдаги ўзаро ўйинлар статистикаси:
| Турнир | Мезбон | Ҳисоб | Меҳмон |
| АПЛ | «Манчестер Сити» | 2:1 | «Ньюкасл» |
| АПЛ | «Ньюкасл» | 2:1 | «Манчестер Сити» |
| Лига Кубоги (1/2) | «Ньюкасл» | 0:2 | «Манчестер Сити» |
| Лига Кубоги (1/2) | «Манчестер Сити» | 3:1 | «Ньюкасл» |
