«Манчестер Сити» бош мураббийи Хосеп Гвардиола Англия Кубогидаги ўйинлар жадвалига баҳо берди. Шанба куни ушбу турнирнинг 1/8 финали доирасида «Ньюкасл»га қарши бўлиб ўтадиган баҳс маҳаллий вақт билан соат 20:00 да (Тошкент вақти билан 8 мартга ўтар кечаси 01:00 да) бошланади.

«Бизда устунлик бор. Агар ўйинимиз соат 15:00 га белгиланганда эди, биз бугун йўлга чиқишимизга тўғри келарди. Аммо ўйин 20:00 да бошланиши сабабли, биз эртага йўлга чиқишимиз мумкин. Учрашув олдидан тикланиш осонроқ кечади», — деди Гвардиола жума кунги матбуот анжуманида.