«Манчестер Юнайтед» кейинги мавсумда мавсумий абонементлар нархи тахминан 5 фоизга ошишини маълум қилди.
Ўртача ҳисоблаганда, нархларнинг кўтарилиши катталар учун бир ўйинга 2 фунтдан сал кўпроқни, 16 ёшгача бўлган мухлислар учун эса тахминан 1 фунтни ташкил этади.
Умумий кириш трибуналари учун катталар абонементининг минимал қиймати 646 фунт этиб белгиланди. Бу АПЛнинг 19 та уй учрашуви доирасида бир ўйин учун тахминан 34 фунтга тўғри келади.
Клуб раҳбарияти нархлар ошишини инфляция ва ўсиб бораётган харажатлар фонида молиявий барқарорликни сақлаб қолиш, шунингдек, «Юнайтед»ни Англия ва Европа футболи чўққисига қайтариш» учун жамоа ҳамда инфратузилмага инвестиция киритишда давом этиш зарурияти билан изоҳлади.
