Англиянинг «Манчестер Юнайтед» клуби «Челси»нинг 21 ёшли бразилиялик ярим ҳимоячиси Андрей Сантоснинг ҳаракатларини диққат билан кузатиб бормоқда. Бу ҳақда таниқли футбол инсайдери Бен Жейкобс хабар берди.

Журналистнинг қайд этишича, манкунианликлар Сантоснинг имкониятларини юқори баҳолашмоқда. Ушбу трансфер келаётган ёзги трансфер ойнасида амалга ошиши мумкин.

Андрей Сантос 2023 йилдан буён «Челси»га тегишли бўлиб, у шу вақтга қадар «Ноттингем Форест» ва «Страсбур» клубларида ижара асосида тўп сурган. Ушбу мавсумда у Лондон клуби сафида барча турнирларда 29 та ўйинда майдонга тушиб, 1 та голли узатмани амалга оширди.