Журналист Марио Кортегананинг хабар беришича, «Реал» футболчилари Килиан Мбаппе ва Жуд Беллингем мадридликларнинг Чемпионлар лигаси 1/8 финали доирасида «Манчестер Сити»га қарши бўлиб ўтадиган илк учрашувида майдонга тушмайди.

«Реал» ўз майдонида «Манчестер Сити»ни 11 март куни қабул қилади.

Манба берган маълумотга кўра, клуб раҳбарияти Мбаппе ва Беллингемни 17 март куни Манчестерда бўлиб ўтадиган жавоб учрашувига қадар сафга қайтаришга ҳаракат қилмоқда.

Жорий мавсумда 27 ёшли Мбаппе барча турнирларда 33 та ўйин ўтказиб, 38 та гол урди ва 6 та голли узатмани амалга оширди. 22 ёшли Беллингем ҳисобида эса 28 та учрашувда 6 та гол ва 4 та натижали узатма мавжуд.