«Рома» ярим ҳимоячиси ва Аргентина терма жамоаси аъзоси Пауло Дибала жарроҳлик амалиётини ўтказди.
Футболчи тиззасидаги яллиғланиш туфайли 25 январдан бери майдонга тушмаётган эди. «Calciomercato» нашрининг ёзишича, бир ойдан ортиқ давом этган игна билан даволаш каби консерватив муолажалар самара бермади.
Кеча Пауло «Рома»нинг умумий машғулотларида иштирок этганди, бироқ тахминан ўн дақиқадан сўнг чап тиззасида яна оғриқ сезган.
Бугун футболчининг тиззасида операция ўтказилди. Артроскопия текшируви ташқи менискнинг йиртилганини кўрсатди.
Энди ўйинчи реабилитация жараёнини ўташи керак. Тахминларга кўра, аргентиналик учун ушбу мавсум деярли якунланди. Операцияни ўтказган профессор Мариани Дибала камида 45 кунни ўтказиб юборишини маълум қилди.
