АПЛ клублари ўйиннинг томошабоплиги пасайиб бораётганидан хавотир билдиришмоқда.
«The Guardian» нашрининг хабар беришича, Премьер-лига жамоаларининг спорт директорлари стандарт вазиятлардан урилаётган голларнинг ҳаддан ташқари кўпайиб кетганига бағишланган йиғилиш ўтказишган. Жорий мавсумда голларнинг 27,1 фоизи айнан бурчак тўплари ёки жарима зарбалари (пенальтиларни ҳисобга олмаганда) натижасида киритилган.
Таъкидланишича, охирги учрашувлардан бирида стандарт вазиятлар асосий мавзулардан бирига айланган. Директорлар ўйиннинг жозибадорлиги ва шиддати камайиб бораётганидан ташвишда эканликларини айтишган.
Қайд этилишича, АПЛда пешқадамлик қилаётган «Арсенал»нинг 59 та голидан 22 таси айнан стандартлардан сўнг (шундан 16 таси бурчак тўпларидан) киритилган.
