APL klublari o‘yinning tomoshabopligi pasayib borayotganidan xavotir bildirishmoqda.

«The Guardian» nashrining xabar berishicha, Premyer-liga jamoalarining sport direktorlari standart vaziyatlardan urilayotgan gollarning haddan tashqari ko‘payib ketganiga bag‘ishlangan yig‘ilish o‘tkazishgan. Joriy mavsumda gollarning 27,1 foizi aynan burchak to‘plari yoki jarima zarbalari (penaltilarni hisobga olmaganda) natijasida kiritilgan.

Ta’kidlanishicha, oxirgi uchrashuvlardan birida standart vaziyatlar asosiy mavzulardan biriga aylangan. Direktorlar o‘yinning jozibadorligi va shiddati kamayib borayotganidan tashvishda ekanliklarini aytishgan.

Qayd etilishicha, APLda peshqadamlik qilayotgan «Arsenal»ning 59 ta golidan 22 tasi aynan standartlardan so‘ng (shundan 16 tasi burchak to‘plaridan) kiritilgan.