Испания чемпионатининг 27-тури доирасида «Реал» сафарда «Сельта» жамоасидан устун келди — 2:1. Учрашув Вигодаги «Балайдос» стадионида бўлиб ўтди.
Мадридликлар ярим ҳимоячиси Орельен Тшуамени 11-дақиқадаёқ ҳисобни очди. Биринчи бўлим ўрталарида майдон эгалари мувозанатни тиклашга муваффақ бўлишди — Борха Иглесиас ўз номини таблога ёздириб қўйди. Иккинчи бўлим якунида эса «қироллик клуби» аъзоси Федерико Вальверде гол уриб, меҳмонларга ғалаба келтирди.
Ушбу ғалабадан сўнг «Реал» очколари сонини 63 тага етказиб, Ла Лига турнир жадвалида 2-ўринни эгаллаб турибди ва пешқадам «Барселона»дан 1 очкога ортда қолмоқда. «Сельта» эса 40 очко билан 6-поғонадан жой олган.
Испания Ла Лигаси. 27-тур
07.03.2026 | 01:00
«Балайдос», Виго
«СЕЛЬТА» — «РЕАЛ МАДРИД» — 1:2
Голлар: Орельен Тчуамени 11’ (0:1), Борха Иглесиас 25’ (1:1), Федерико Вальверде 90+4’ (1:2).
«Сельта»: Раду, Старфельт, Алонсо, Родригес, Мориба (Весино, 90+1), Роман, Мингеса (Аспас, 83), Каррейра, Сведберг (Лопес, 69), Хутгла (Альварес, 70), Иглесиас (Эль-Абделлауи, 70).
«Реал Мадрид»: Куртуа, Рауль Асенсио, Рюдигер, Менди, Трент Александр-Арнолд, Тчуамени, Арда Гюлер (Паласиос, 65), Питарч (Мануэль Анхель, 90), Вальверде, Винисиус Жуниор, Браим Диас (Фран Гарсия, 77).
Огоҳлантиришлар: Иглесиас (31), Тчуамени (86), Рауль Асенсио (90).
