Мадриднинг «Реал» клуби бош мураббийи Альваро Арбелоа ярим ҳимоячи Арда Гюлер иштирокидаги воқеага муносабат билдирди.
Учрашувнинг 11-дақиқасида 21 ёшли футболчи Орельен Тчуаменига голли узатма етказиб берди, 65-дақиқада эса захирага олинди. Туркиялик ўйинчига мураббийнинг бу қарори унчалик хуш келмади.
«Реал»даги бирорта мураббий Гюлерга мендан кўпроқ ўйин амалиёти бермаган. Ҳеч қайси мураббий унга менчалик ишонч билдирмаган. Арда биз учун жуда муҳим футболчи ва мен унга ишонишда давом этаман», — деди Арбелоа матбуот анжуманида.
Учрашув «Реал»нинг 2:1 ҳисобидаги ғалабаси билан якунланди. 95-дақиқада «қаймоқранглилар» ярим ҳимоячиси Федерико Вальверде ғалаба голини киритди.
