Келгуси ёзда «Манчестер Сити» таркибини жамоанинг юлдуз футболчиларидан бири тарк этиши мумкин. Кутилишича, ярим ҳимоячи Бернарду Силва мавсум якунланганидан сўнг клубдан кетади ва эркин агент мақомини олади. Бу ҳақда ижтимоий тармоқларда журналист Маттео Моретто хабар қолдирди.
Журналистнинг таъкидлашича, Силва ва «Манчестер Сити» ўртасида шартномани узайтириш бўйича музокаралар ҳанузгача бошланмаган.
Бернарду Силва 2017 йилнинг июль ойидан бери «Манчестер Сити» шарафини ҳимоя қилиб келмоқда. Ўтган вақт мобайнида португалиялик футболчи 445 та расмий учрашувда майдонга тушиб, ўз ҳисобига 75 та гол ва 77 та голли узатмани ёздириб қўйган.
