«Рома» бош мураббийи Жан Пьеро Гасперини А Сериянинг 28-туридан ўрин олган «Женоа»га қарши ўйин олдидан ўтказилган матбуот анжуманида иштирок этди. Учрашув 8 март куни бўлиб ўтади ва Тошкент вақти билан соат 22:00 да бошланади.
Анжуманда, жумладан, жароҳатланган футболчилар ҳақида ҳам сўз борди.
«Довбик бир неча ойга сафдан чиқди ва у жарроҳлик амалиётини ўтказди. Агар ҳаммаси яхши кетса, у апрель охири ёки май ойи бошида майдонга қайтиши мумкин. Худди шундай вазият Фергюсонда ҳам кузатилмоқда — унинг тўпиғида операция ўтказилади. Унинг учун ҳатто мавсум якунида ҳам тикланишга вақт қолмайди. Бошқаларга келсак, ҳолатимиз назорат остида. Бизда аввалгидек ўйин намойиш этиш учун етарлича футболчилар мавжуд», — деди мураббий клуб сайтига берган интервьюсида.
Айни дамда «Рома» 51 очко билан тўртинчи ўринда бормоқда, «Женоа» эса 27 очко билан турнир жадвалининг 15-поғонасини эгаллаб турибди.
