«Реал» жиддий молиявий чекловларга дуч келмоқда. The Touchline нашрининг Vozpopuli’га таяниб хабар беришича, январь ойидаги трансфер ойнаси бошида мадридликлар ихтиёрида бор-йўғи 3,4 миллион евро бўш маблағ бўлган.
Қайд этилишича, ўтган йилнинг ўрталарида «Реал»да 175,8 миллион евро бўш маблағ мавжуд эди, бироқ шундан сўнг клуб футболчилар трансфери ва «Сантьяго Бернабеу» стадиони учун катта харажатларни амалга оширган.
Жума куни «Реал» сафарда «Сельта» устидан 2:1 ҳисобида ғалабани илиб кетди. Эндиликда Альваро Арбелоа жамоани Чемпионлар лигаси доирасидаги «Манчестер Сити»га қарши уй учрашувига тайёрламоқда. Баҳс чоршанба куни, 11 мартда бўлиб ўтади.
