«Ливерпуль» ярим ҳимоячиси Алексис Мак Аллистернинг отаси Карлос Мак Аллистер ўғлининг келажаги борасида фикр билдирди.
Аввалроқ матбуотда «Ливерпуль»нинг Мак Аллистер билан шартномани узайтириш истаги борлиги ҳақида маълумотлар тарқалган эди.
«Ҳозирда «Ливерпуль» билан шартномани узайтириш бўйича ҳеч қандай музокаралар олиб борилмаяпти», — дея катта Мак Аллистернинг сўзларини келтирмоқда The Touchline.
Алексис Мак Аллистер 2023 йилнинг ёзида «Брайтон»дан «Ливерпуль»га кўчиб ўтган эди. Ўшандан бери аргентиналик ярим ҳимоячи 136 та ўйинда иштирок этиб, ўз ҳисобига 19 та гол ва 17 та голли узатмани ёздириб қўйди.
Ҳозирда «Ливерпуль» Премьер-лига турнир жадвалида олтинчи ўринни эгаллаб турибди.
