Криштиану Роналду «Альмерия» клубига сармоя киритди. Яқинда португалиялик юлдуз Сегунда вакилининг 25% акциясини сотиб олгани маълум бўлди.
«Роналду эффекти» ўз таъсирини тез кўрсатди — ижтимоий тармоқлардан бирида обуначилар сони бўйича «Альмерия» энди кучли бешликка кирмоқда. Ундан кўпроқ обуначига фақат «Севилья», «Атлетико», «Реал» ва «Барселона» эга, холос.
Айни дамда Испаниянинг иккинчи дивизиони турнир жадвалида «Альмерия» учинчи ўринни эгаллаб турибди. Шу йилнинг баҳорида жамоа Испания футболининг элитасига (Ла Лига) қайтишга ҳаракат қилади.
Эслатиб ўтамиз, Криштиану Роналду ҳозирда «Ан-Наср» шарафини ҳимоя қилмоқда. Португалияликнинг шартномаси 2026/2027 йилги мавсум якунига қадар мўлжалланган
