Саудиянинг «Ал-Аҳли» клуби мамлакат Спорт вазирлиги кўмагида айрим юлдуз футболчиларининг оилаларини Дубайдан Жиддага кўчиришга қарор қилди. Бу ҳақда журналист Бен Жейкобс хабар бермоқда.
Унинг маълумотларига кўра, баъзи ўйинчиларнинг оилалари вақтини навбат билан БАА ва Саудия Арабистонида ўтказиб келишмоқда. Оилаларни Дубайдан олиб чиқиш қарори минтақада ортиб бораётган сиёсий кескинлик фонида эҳтиёт чораси сифатида қабул қилинди.
28 февраль куни Исроил мудофаа армияси Эронга «олдиндан огоҳлантирувчи» зарба берилганини маълум қилган эди. АҚШ Президенти Дональд Трамп ушбу ҳужумда АҚШ иштирок этганини тасдиқлади. Кўп ўтмай, Эрон Исроилга жавоб қайтарди. Ҳозиргача давом этаётган ҳарбий ҳаракатлар, жумладан, Дубайга ҳам таъсир кўрсатди.
Эслатиб ўтамиз, ҳозирда «Ал-Аҳли» шарафини Риёд Маҳрез, Айвен Тоуни, Эдуар Менди, Франк Кессиэ ва бошқа машҳур футболчилар ҳимоя қилмоқда.
