Мадриднинг «Атлетико» клуби раҳбари Энрике Сересо бош мураббий Диего Симеоненинг келажаги борасидаги саволга жавоб берди.
Аргентиналик мутахассиснинг тез орада жамоадан кетиши ҳақида миш-мишлар тарқалган эди, бироқ, афтидан, ҳеч қандай янгилик кутилмаяпти — у «матрасчилар» билан ишлашда давом этади.
«Диего Симеоне келаси мавсумда ҳам албатта «Атлетико»да қолади», — дея таъкидлади Сересо.
Яқинда 55 ёшли мураббийнинг «Интер» билан олдиндан келишиб олгани ҳақида хабарлар тарқалганди, аммо Милан клуби бу маълумотни дарҳол рад этди. Симеоне «Атлетико»даги лавозимини 2011 йилнинг охиридан бери эгаллаб келмоқда, унинг амалдаги шартномаси эса кейинги мавсум якунига қадар мўлжалланган.
