Италиялик мутахассис Роберто де Дзерби «Манчестер Юнайтед» бош мураббийи лавозимига тайинланишга қизиқиш билдирмоқда.
46 ёшли мутахассис «қизил иблислар»нинг янги доимий бошқарувчиси бўлишга асосий номзодлардан бири ҳисобланади. Журналист Сэм Уоллеснинг маълумотларига кўра, де Дзербининг ўзини ҳам бундай истиқбол ўзига жалб қилмоқда. Италиялик мураббий ҳамон мураббийлик бозорида юқори баҳоланмоқда, «Манчестер Юнайтед»да эса унинг тўп назоратига асосланган ҳужумкор ўйин услубига қойил қолишмоқда.
Эслатиб ўтамиз, февраль ойида Роберто де Зерби «Марсель» мураббийлигидан кетган эди. Францияга йўл олишидан аввал — 2022 йилдан 2024 йилгача — у Англиянинг «Брайтон» клубида фаолият юритган.
