Italiyalik mutaxassis Roberto de Dzerbi «Manchester Yunayted» bosh murabbiyi lavozimiga tayinlanishga qiziqish bildirmoqda.
46 yoshli mutaxassis «qizil iblislar»ning yangi doimiy boshqaruvchisi bo‘lishga asosiy nomzodlardan biri hisoblanadi. Jurnalist Sem Uollesning ma’lumotlariga ko‘ra, de Dzerbining o‘zini ham bunday istiqbol o‘ziga jalb qilmoqda. Italiyalik murabbiy hamon murabbiylik bozorida yuqori baholanmoqda, «Manchester Yunayted»da esa uning to‘p nazoratiga asoslangan hujumkor o‘yin uslubiga qoyil qolishmoqda.
Eslatib o‘tamiz, fevral oyida Roberto de Zerbi «Marsel» murabbiyligidan ketgan edi. Fransiyaga yo‘l olishidan avval — 2022 yildan 2024 yilgacha — u Angliyaning «Brayton» klubida faoliyat yuritgan.
