«Манчестер Сити» ярим ҳимоячиси Бернарду Силва катта эҳтимол билан клубдаги ўзининг сўнгги мавсумини ўтказмоқда.
«Шаҳарликлар» сардорининг шартномаси шу ёзда якунига етади, аммо келишувни узайтириш бўйича музокаралар ҳозирча олиб борилмаяпти. Журналист Экрем Конурнинг хабар беришича, 31 ёшли португалиялик футболчига даъвогарлар рўйхатига «ПСЖ» ҳам қўшилган. Париж гранди мавсум якунида ҳужумкор ярим ҳимоячини эркин агент мақомида ўз сафига қўшиб олиш имкониятини кўриб чиқмоқда.
Шунингдек, Бернарду Силвага Туркиянинг «Галатасарой» ва Каталониянинг «Барселона» клублари ҳам қизиқиш билдирмоқда. Футболчи 2017 йилдан бери «Манчестер Сити» шарафини ҳимоя қилиб келади.
