«Атлетико» ярим ҳимоячиси Родриго Мендоса Ла Лига доирасидаги «Реал Сосьедад»га қарши ўйинда жароҳат олди.
Январь ойида «Эльче»дан ўтганидан бери мадридликларнинг ушбу турнирдаги асосий таркибида мунтазам майдонга тушиб келаётган Мендоса майдонда Андер Барренечеа билан тўқнашиб кетди ва шундан сўнг ўйинни давом эттира олмади.
«Атлетико» клуби Мендосанинг ўнг тўпиғи бойламлари ўртача даражада чўзилганини тасдиқлади. Marca нашрининг ёзишича, бу жароҳат сабабли футболчи бир ярим ойни ўтказиб юбориши мумкин.
Бу шуни англатадики, Мендоса катта эҳтимол билан Чемпионлар лигаси доирасидаги «Тоттенхэм»га қарши ҳар иккала учрашувда иштирок эта олмайди.
