«Atletiko» yarim himoyachisi Rodrigo Mendosa La Liga doirasidagi «Real Sosyedad»ga qarshi o‘yinda jarohat oldi.
Yanvar oyida «Elche»dan o‘tganidan beri madridliklarning ushbu turnirdagi asosiy tarkibida muntazam maydonga tushib kelayotgan Mendosa maydonda Ander Barrenechea bilan to‘qnashib ketdi va shundan so‘ng o‘yinni davom ettira olmadi.
«Atletiko» klubi Mendosaning o‘ng to‘pig‘i boylamlari o‘rtacha darajada cho‘zilganini tasdiqladi. Marca nashrining yozishicha, bu jarohat sababli futbolchi bir yarim oyni o‘tkazib yuborishi mumkin.
Bu shuni anglatadiki, Mendosa katta ehtimol bilan Chempionlar ligasi doirasidagi «Tottenxem»ga qarshi har ikkala uchrashuvda ishtirok eta olmaydi.
