Ярим ҳимоячи Мануэль Локателли "Ювентус" билан янги шартнома имзолаш арафасида, у 2030 йилгача клубда қолади, деб хабар беради италиялик журналист Николо Скира.

Манбага кўра, Локателлининг маоши йилига 3,8 миллион евродан 4 миллион еврогача бўлади. Иқтидорли футболчига бир нечта Премьер-лига клублари қизиқиш билдиришган, аммо у фаолиятини Туринда давом эттириш ниятида эканлигини айтиб, рад жавобини берган.

Локателли "Ювентус"га 2021 йилда "Сассуоло"дан қўшилган (дастлабки икки йил ижара асосида ўтган). Бу мавсумда 28 ёшли футболчи клуб сафида 37 та ўйинда майдонга тушиб, учта гол урган ва иккита голли узатма берган.