"Челси"нинг собиқ эгаси Роман Абрамович Лондон клубини сотишдан тушган 2,35 миллиард фунт стерлинг миқдоридаги маблағни назорат қилиш учун курашишга тайёр.
Декабрь ойида Буюк Британия Бош вазири Кирр Стармер Абрамовичга тўғридан-тўғри таҳдид қилиб, "Челси" савдосидан музлатилган маблағларни мусодара қилиш ва уларни Украинага ўтказишни ваъда қилган эди.
Британия расмийлари Абрамовичга март ойигача муддат белгиладилар, аммо Романнинг адвокатлари Стармернинг таҳдидлари асоссиз деб ҳисоблашади.
The Telegraph нашрининг хабар беришича, Абрамович ҳали ҳам "Челси" савдосидан тушган маблағларни хайрия ишларига хайрия қилиш ниятида. Бироқ, Роман Украинадаги ҳарбий можародан жабр кўрган "барча" одамларни қўллаб-қувватлашда қатъий турибди.
Нашрнинг қўшимча қилишича, бу воқеанинг охири кўринмаяпти. Абрамович ўзининг кучли позициясида эканлигига ва музлатилган бўлса-да, унинг компанияси Fordstam Limited ҳисобида сақланадиган маблағларни шахсан бошқариши мумкинлигига ишонади.
