«Атлетико Минейро» ҳужумчиси Халк Минейро лигаси финали доирасида «Крузейро»га қарши ўйин (0:1) якунидаги оммавий муштлашувга изоҳ берди.

Учрашув ҳаками Матеус Кандансан жами 23 та қизил карточка кўрсатди. Четлатилганлар орасида «Зенит»нинг собиқ футболчилари Жерсон Сантос, Матео Кассьерра ва Халк ҳам бор.

«Мен ўйин бошидаёқ ҳакамга ҳаммаси ёмон тугашини айтгандим. У заррача характер кўрсата олмади. Агар бир, икки ёки уч нафар футболчини четлатиш керак бўлса — четлат! Лекин у финалда ишлаш учун ҳаддан ташқари қўрққан эди», — деб таъкидлади Халк.