41 ёшли португалиялик суперюлдуз Криштиану Роналду 7,5 миллион доллар эвазига Pro2col Software компаниясининг 10% акциясини сотиб олиб, компаниянинг ҳаммулкдорларидан бирига айланди. Ушбу компания Herbalife корпорациясининг шўъба тузилмаси ҳисобланади.
Роналдунинг таъкидлашича, мазкур лойиҳа инсонларнинг соғлигига бўлган муносабатини ўзгартиришга хизмат қилади:
«Биз одамларнинг ўз саломатлигига бўлган қарашини ўзгартириши мумкин бўлган платформани шакллантиришга ёрдам бермоқдамиз», — деди португалиялик футболчи.
Шу тариқа, Роналду нафақат майдонда, балки бизнес ва инвестиция соҳасида ҳам фаоллигини давом эттирмоқда.
