Ла Лига президенти Хавьер Тебас 2023 йилда лига Лионель Мессининг «Барселона»га қайтишини маъқуллагани ҳақидаги хабарларни рад этди.
Аввалроқ «Барса»нинг собиқ ярим ҳимоячиси ва мураббийи Хави ушбу мавзуда шундай деган эди: «Президент [Лапорта] Лео нинг отаси билан шартнома бўйича музокараларни бошлаган эди, ҳатто бизда лига раҳбариятининг рухсати ҳам бор эди. Аммо якунда айнан президент ҳаммасини тўхтатиб қолди».
«Бу ҳақиқатга тўғри келмайди. Ла Лига умуман трансферга рухсат бермаган ва келишмаган», — деди Тебас Estudio Estadio кўрсатувига берган интервьюси анонсида.
