Нидерландиялик мутахассис Арне Слот фақат бир ҳолатдагина «Ливерпуль»да қолиши мумкин. Агар бош мураббий жамоани УЕФА Чемпионлар лигасининг жорий мавсумида ғалаба сари бошлаб борсагина, ўз лавозимини сақлаб қолади. Бу ҳақда Ok Diario нашри хабар бермоқда.
Акс ҳолда, нидерландиялик мутахассис истеъфога чиқарилади ва бўшаб қолган бош мураббийлик ўрнини Хаби Алонсо эгаллайди. Испаниялик мураббий «қизиллар» билан ҳамкорлик бўйича олдиндан келишувга эришган.
Чемпионлар лигасининг 1/8 финали доирасида «Ливерпуль»га Истанбулнинг «Галатасарой» жамоаси рақиблик қилади. Дастлабки учрашув бугун, 10 март куни Туркияда бўлиб ўтади. Ўйин Тошкент вақти билан соат 22:45 да бошланади.
