Аввалроқ УЕФА раҳбари лавозимида ишлаган афсонавий француз футболчиси Мишель Платини Франция терма жамоаси ва Мадриднинг «Реал» клуби юлдузи Килиан Мбаппе ҳақидаги фикрлари билан ўртоқлашди.
«Мен Мбаппе билан юзма-юз кўришмаганман, уни фақат телевизор орқали кузатганман. Уни фақат футболчи сифатида баҳолай оламан. Килиан майдонда ақл бовар қилмас ишларни амалга оширади», — дея собиқ футболчининг сўзларини келтиради RMC Sport.
Жорий мавсумда Мбаппе 33 та учрашувда иштирок этди. Ҳужумчи ўз ҳисобига 38 та гол ёздириб қўйишга улгурди. Ҳозирда 27 ёшли ҳужумчи тиззасидан олган жароҳати сабабли лазаретда қолмоқда.
