«ПСЖ» ҳужумчиси Ли Кан Ин келаётган ёзда клуб рўйхатини ўзгартириши мумкин. Футболчига «Атлетико» қизиқиш билдирмоқда.
Мадридликлар ҳужумчини сотиб олиш ниятида, чунки клуб яқин орада МЛСга кўчиб ўтишни режалаштираётган Антуан Гризманннинг кетишига тайёргарлик кўрмоқда. Sky Sports нашрининг таъкидлашича, «Атлетико» вакиллари эҳтимолий трансфер масаласида Ли Кан Иннинг агенти билан боғланишган.
«ПСЖ» раҳбарияти ҳужумчи билан шартномани узайтириш ниятида, бироқ агар томонлар келиша олмасалар, парижликлар ҳужумчини 40 миллион еврога сотишга тайёр бўладилар.
