«Ливерпуль» клубининг аргентиналик ярим ҳимоячиси Алексис Мак Аллистер 2026 йилда ҳам Чемпионлар лигасида, ҳам Жаҳон чемпионатида ғолиб чиқишни истайди.
Футболчининг сўзларига кўра, ушбу турнирларда иштирок этадиган ҳар иккала жамоасида ҳам ғалаба қозониш учун яхши имкониятлар мавжуд.
«Ҳозирда менинг орзум — Чемпионлар лигасида ғолиб чиқиш. Бу йил яна Жаҳон чемпионати ҳам бор, шундай экан, нега ҳар иккала турнирда зафар қучмаслигимиз керак?» — дея Макаллистер сўзларини келтиради УЕФА матбуот хизмати.
Бугун, 10 март куни «Ливерпуль» Чемпионлар лигаси 1/8 финалининг дастлабки учрашувида сафарда «Галатасарой» билан куч синашади.
Аргентина терма жамоаси эса Жаҳон чемпионатида Жазоир, Австрия ва Иордания жамоалари билан бир гуруҳдан жой олган.
