«Манчестер Юнайтед» қанот ҳимоячиси Нуссайр Мазрауи ярим ҳимоячи Каземиронинг кетиши ҳақида фикр билдирди.

«Каземиро билан хайрлашиш мен учун оғир бўладими? Ҳа, жуда оғир. Бу ҳақда эълон қилинган кун мен учун жуда мураккаб бўлди.

Каземиро жамоага нима бера олади? У ақл бовар қилмас даражадаги тажрибасини улаша олади. У ғалаба қозониш нима эканлигини ва унга олиб борадиган йўлни жуда яхши билади, чунки у бу йўлларни ўзи босиб ўтган ва ҳис қилган. Шундай экан, ҳа, биз уни ҳам майдонда, ҳам майдондан ташқарида жуда соғиниб қоламиз», — дея Мазрауининг сўзларини келтиради «қизил иблислар»нинг расмий сайти.