«Ньюкасл» бош мураббийи Эдди Хау «Барселона»га қарши ўйинда Тино Ливраментонинг асосий таркибда майдонга тушиши мумкинлиги ҳақида ўз фикрлари билан ўртоқлашди. Аввалроқ ҳимоячи икки ойлик танаффусга сабаб бўлган жароҳатидан сўнг машғулотларга қайтган эди.

«Ҳозирча у асосий таркибда тушиш учун етарлича жисмоний ҳолатда эканига 100 фоиз амин бўлишим учун кам машғулот ўтказди, айниқса, шундай муҳим ўйин олдидан. Бироқ у биз билан бирга. Ҳар бир ўйинчи асосий таркибдан жой олишга даъвогарлик қилиши мумкин. Тино биз учун муҳим ва унинг сафга қайтгани жуда соз», — дея Хаунинг сўзларини келтиради «зағизғонлар» матбуот хизмати.

Ушбу мавсумда Ливраменто барча мусобақаларда 20 та учрашувда иштирок этди ва ўз ҳисобига битта голли узатмани ёздириб қўйди.