Мюнхеннинг «Бавария» клуби ҳимоячиси Йосип Станишич Италиянинг «Аталанта» жамоасига қарши Чемпионлар лигаси доирасидаги ўйин олдидан ўз фикрларини билдирди. Мусобақанинг 1/8 финалидан ўрин олган дастлабки учрашув 10 март оқшомида бўлиб ўтади ва Тошкент вақти билан тунги соат 01:00 да старт олади.
«Қандайдир алоҳида тайёргарлик кўрганимиз йўқ. Бизни нима кутаётганини яхши биламиз. Улар майдоннинг ҳар бир нуқтасида '1 га 1' (персонал) ўйнашади ва илк дақиқалардан бошлаб 100 фоиз куч билан ҳаракат қилишади. Биз бунга қаршилик кўрсатамиз. Машғулотларда максимал даражада ишлаяпмиз ва аллақачон бир ярим йилдан бери '1 га 1' вазиятида ўйнаш устида ишлаб келмоқдамиз», — дея Станишичнинг сўзларини келтиради УEФА расмий сайти.
